El palaciu de St. James ye unu de los más antiguos de Londres. Ta asitiáu en Pall Mall, xusto al norte del parque de St. James. Anque nos últimos dos sieglos nengún soberanu vivió nél, sigui teniendo la considerancia de residencia oficial del monarca británicu y ye el palaciu real más antiguu del Reinu Xuníu. Por esti motivu la corte real recibe'l nome de corte de St. James. Ye'l llugar de xunta del Accession Council, organismu colexáu que, tres la muerte d'un soberanu, realiza la proclamación formal del so socesor o socesora.